റിയാദ്: സൊമാലി ലാന്‍ഡില്‍ യു എ ഇ യുടെ സൈനിക കേന്ദ്രം തുറക്കാന്‍ ഇരു രാജ്യങ്ങളും തമ്മില്‍ ധാരണയായി. കഴിഞ്ഞ മാസം യു എ ഇ സര്‍ക്കാര്‍ നല്‍കിയ അപേക്ഷയനുസരിച്ചാണ് ഇവിടെ പുതിയ സൈനിക കേന്ദ്രം തുറക്കാന്‍ സൊമാലി ലാന്‍ഡ് ഭരണകൂടം അനുമതി നല്‍കിയത്.

ഇവിടുത്തെ തുറമുഖ പട്ടണമായ ബെര്‍ബറ നഗരത്തിലാണ് സൈനിക കേന്ദ്രം ആരംഭിക്കുക. ഞായറാഴ്ച്ച സൊമാലി ലാന്‍ഡ് പാര്‍ലിമെന്റില്‍ നടന്ന ചര്‍ച്ചയില്‍ 13 നെതിരെ 144 വോട്ടുകള്‍ക്കാണ് സൈനിക കേന്ദ്രം തുറക്കാനുള്ള അനുമതി ലഭിച്ചത്.

30 വര്‍ഷത്തേക്കുള്ള മില്യണ്‍ കണക്കിന് ഡോളറിന്റെ പദ്ധതിക്കുള്ള അനുമതിയാണ് യു എ ഇ ക്ക് ലഭിച്ചത്. യു എ ഇ അന്താരാഷ്ട്ര തുറമുഖ നടത്തിപ്പുകാര്‍, ഡിപി വേള്‍ഡ് തുടങ്ങിയവയ്ക്കാണ് ഇതിന്റെ നിര്‍മ്മാണ ചുമതല.