കൊല്‍ക്കത്ത: രണ്ടാം ക്ലാസ് വിദ്യാര്‍ഥിനിയെ പീഡിപ്പിച്ച കേസില്‍ സ്വകാര്യ സ്‌കൂള്‍ അധ്യാപകനെ പൊലിസ് അറസ്റ്റ് ചെയ്തു. അധ്യാപകനെ സ്‌കൂളില്‍ നിന്ന് പുറത്താക്കണമെന്നാവശ്യപ്പെട്ട് കുട്ടിയുടെ രക്ഷിതാക്കളും നാട്ടുകാരും പ്രതിഷേധവുമായി രംഗത്തെത്തിയതോടെയാണ് പൊലിസ് അധ്യാപകനെ അറസ്റ്റ് ചെയ്യാന്‍ നിര്‍ബന്ധിതമായത്. സ്‌കൂളിലെ ഡാന്‍സ് അധ്യാപകനാണ് അറസ്റ്റിലായതെന്ന് പൊലിസ് അറിയിച്ചു. കുട്ടി വീട്ടിലെത്തി വിവരം അറിയിച്ചതിനെ തുടര്‍ന്നാണ് രക്ഷിതാക്കള്‍ പൊലിസിനെ സമീപിച്ചത്. ഇതിനിടയില്‍ സ്‌കൂള്‍ അധികൃതര്‍ സംഭവം ഒളിച്ചുവയ്ക്കാന്‍ നടത്തിയ ശ്രമവും കടുത്ത പ്രതിഷേധത്തിന് ഇടയാക്കി. തുടര്‍ന്നാണ് പൊലിസ് സ്‌കൂളിലെത്തി അധ്യാപകനെ അറസ്റ്റ് ചെയ്തത്.