കൊച്ചി: മുന്‍ ഡി.ജി.പി ജോസഫ് തോമസ് അന്തരിച്ചു. കൊച്ചിയിലെ സ്വകാര്യ ആശുപത്രിയില്‍ വച്ചായിരുന്നു അന്ത്യം. വിജിലന്‍സ് ഡയറക്ടറായും പൊലിസ് ആസ്ഥാനത്ത് ഐ.ജിയായും പ്രവര്‍ത്തിച്ച ഇദ്ദേഹം 2001ലാണ് വിരമിച്ചത്. സൈനിക സേവനത്തിന് ശേഷമാണ് ഇദ്ദേഹം പൊലിസില്‍ എത്തിയത്. വിശാല കൊച്ചി വികസന അതോറിറ്റിയുടെ ചെയര്‍മാനായി ജോസഫ് തോമസ് പ്രവര്‍ത്തിച്ച കാലത്താണ് കൊച്ചി രാജ്യാന്തര സ്റ്റേഡിയം പണിതീര്‍ത്തത്.