തളിപ്പറമ്പ് :  പുതുക്കിപ്പണിത തേറളായി ജുമാമസ്ജിദിന്റെ ഉദ്ഘാടനവും, മതപ്രഭാഷണവും, ദുആ മജ്‌ലിസും, മെയ് 31 മുതല്‍ ജൂണ്‍ ജൂണ്‍ 4 വരെയുള്ള ദിവസങ്ങളില്‍ തേറളായി ശംസുല്‍ ഉലുമ നഗറില്‍ നടക്കും.
  മെയ് 31 ന് അബൂബക്കര്‍ സിദ്ധിഖ് അസ്ഹരിയും ജൂണ്‍ ഒന്നിന് അബ്ദുള്‍ അസീസ് അശ്രഫിയും പ്രഭാഷണം നടത്തും. ജൂണ്‍ രണ്ടിന് മൂസാന്‍ കുട്ടി തേറളായിയുടെ അധ്യക്ഷതയില്‍ ചേരുന്ന ചടങ്ങില്‍ തേറളായി ജുമാ മസ്ജിദിന്റെ ഉദ്ഘാടനം പാണക്കാട് സയ്യിദ് സ്വാദിഖലി ശിഹാബ് തങ്ങള്‍ നിര്‍വ്വഹിക്കുന്നു.
    തുടര്‍ന്നു നടക്കുന്ന ദുആ മജ്‌ലിസിന് ശൈഖുനാ മാണിയൂര്‍ അഹമ്മദ് മുസ്‌ലിയാര്‍ നേതൃത്വം നല്‍കും. ജൂണ്‍ മൂന്നിന് സിയാറത്തും, കൂട്ടുപ്രാര്‍ത്ഥനയും, ജൂണ്‍ നാലിന് രാവിലെ എഴ് മണി മുതല്‍ അഞ്ച് മണിവരെ സ്ത്രീകളുടെ പള്ളി സന്ദര്‍ശനവും ഉണ്ടായിരിക്കും.