തൃശൂര്‍: സമസ്ത കേരള ജംഇയ്യത്തുല്‍ ഉലമയുടെ പ്രസിഡന്റായി തെരഞ്ഞെടുക്കപ്പെട്ട സയ്യിദുല്‍ ഉലമ സയ്യിദ് ജിഫ്രി മുത്തുക്കോയ തങ്ങള്‍ക്കും ട്രഷറായി തെരഞ്ഞെടുക്കപ്പെട്ട സി.കെ.എം. സ്വാദിഖ് മുസ് ലിയാര്‍ക്കും സമസ്ത ജില്ലാ കമ്മിറ്റിയും കീഴ്ഘടകങ്ങളും നാളെ സ്വീകരണം നല്‍കും. സമസ്തയുടെ നേതൃപദവിയിലെത്തിയതിന് ശേഷം ഇരുവരും ആദ്യമായാണ് ജില്ലാകമ്മിറ്റിയുടെ പരിപാടിയില്‍ പങ്കെടുക്കുന്നത്. രാവിലെ 10 മണിക്ക് തൃശൂര്‍ എം.ഐ.സി യില്‍ നടക്കുന്ന സ്വീകരണ സമ്മേളനത്തില്‍ സമസ്ത കേന്ദ്ര മുശാവറ അംഗങ്ങളായ സയ്യിദ് മുഹമ്മദ് കോയ ബാ അലവി തങ്ങള്‍, എം.എം മുഹ്‌യിദ്ദീന്‍ മൗലവി, ചെറുവാളൂര്‍ ഹൈദ്രൂസ് മുസ്‌ലിയാര്‍, സമസ്ത ജില്ലാ ട്രഷറര്‍ പി.ടി കുഞ്ഞു മുഹമ്മദ് മുസ്‌ലിയാര്‍ തുടങ്ങിയ നേതാക്കളും കീഴ്ഘടകങ്ങളുടെ നേതാക്കളും മഹല്ല്-മദ്രസാ പ്രതിനിധികളും പങ്കെടുക്കും.