റിയാദ്: അവയവമാറ്റ ശസ്ത്രക്രിയ പട്ടികയിലേക്ക് സഊദിയിലെ റിയാദ് കിങ് ഫൈസല്‍ സ്‌പെഷാലിറ്റി ആശുപത്രിയും. ലോകത്തു നടക്കുന്ന അവയവദാന ശാസ്ത്രക്രിയയില്‍ പത്തു ശതമാനവും നടക്കുന്നത് ഇവിടെയാണെന്നാണ് റിപ്പോര്‍ട്ട്. ഇതോടെ അന്താരാഷ്ട്ര കരള്‍-ഹൃദയമാറ്റ സൊസൈറ്റിയിലാണ് കിങ് ഫൈസല്‍ കാര്‍ഡിയാക്ക് സെന്റര്‍ സ്ഥാനം പിടിച്ചത്.

കഴിഞ്ഞ വര്‍ഷം മാത്രം ഇവിടെ 35 ഹൃദയമാറ്റ ശാസ്ത്രക്രിയകളാണു നടന്നതെന്ന് ആശുപത്രി തലവനും കണ്‍സള്‍ട്ടന്റുമായ ഡോ. ജിഹാദ് അല്‍ ബുറൈഖി പറഞ്ഞു. പതിനാലു വയസിനു താഴെയുള്ള ഏഴു കുട്ടികളും ഇതി ഉള്‍പ്പെടും. ലോകത്തെ 250 അവയവമാറ്റ ശസ്ത്രക്രിയ കേന്ദ്രങ്ങളുമായി താരതമ്യം ചെയ്യുമ്പോള്‍ 87 ശതമാനവും വിജയമാണെന്നും അദ്ദേഹം പറഞ്ഞു.

കഴിഞ്ഞ വര്‍ഷം വരെ 302 അവയവമാറ്റ ശസ്ത്രക്രിയകളാണ് ഇവിടെ നടന്നത്. 1989ല്‍ പ്രവര്‍ത്തനമാരംഭിച്ച സെന്ററിലൂടെ കൃത്രിമ ഹൃദയക്കുഴലുകളുടെ 302 ഹൃദയകൈമാറ്റ ശസ്ത്രക്രിയ നടത്തിയിട്ടുണ്ട്. ഹൃദയശസ്ത്രക്രിയക്ക് അല്‍തഖാസാമി പദ്ധതിയിലൂടെ തുടര്‍നടപടികള്‍ സ്വീകരിക്കുന്നുണ്ട്. കൃത്രിമ ഹൃദയ പമ്പുകള്‍ സ്ഥാപിക്കാനായി അന്തര്‍ദേശീയമായി അംഗീകൃത സ്ഥാപനങ്ങളുമായി പരിശോധനകള്‍ നടത്തുന്നതായും ജിഹാദ് അല്‍ ബുറൈഖി പറഞ്ഞു.