ജിദ്ദ: ഹറം അങ്കണങ്ങളില്‍ സഊദി റെഡ് ക്രസന്റ് വക പുതിയ ഗോള്‍ഫ് വാഹനങ്ങള്‍. രോഗികളെയും യാത്രക്കാരെയും കൊണ്ടുപോകുന്നതിനാണ് നൂതന സംവിധാനങ്ങളോട് കൂടിയ പുതിയ ഗോള്‍ഫ് വണ്ടികള്‍ ഒരുക്കിയിരിക്കുന്നത്.

തിരക്കിടയില്‍ സഞ്ചരിക്കാന്‍ പാകത്തില്‍ വലിപ്പം കുറഞ്ഞവയാണിത്. പ്രാഥമിക ശുശ്രൂഷ നല്‍കുന്നവര്‍ക്ക് എളുപ്പത്തില്‍ സേവനം നല്‍കാന്‍ സൗകര്യത്തിലാണ് ഇവ നിര്‍മിച്ചിരിക്കുന്നത്.

നാല് ആബുലന്‍സ് കേന്ദ്രങ്ങളാണ് ഹറം അങ്കണങ്ങളിലുള്ളത്. ഒരോ കേന്ദ്രത്തിനും ഒരോ ഗോള്‍ഫ് വണ്ടി എന്ന തോതിലാണ് ഒരുക്കിയിരിക്കുന്നത്.