എരമല്ലൂര്‍: എരമല്ലൂരിലും സമീപ പ്രദേശങ്ങളിലും കഞ്ചാവ് മയക്കു മരുന്നുമാഫിയാസംഘങ്ങള്‍ വിലസുന്നു.ഇതിനെതിരെ പ്രതികരിക്കുന്നവരെ അക്രമിക്കുകയും വീടുകള്‍ക്ക് നാശനഷ്ടങ്ങള്‍ വരുത്തുകയും മാഫിയാസംഘങ്ങള്‍ ചെയ്യുന്നു.
എരമല്ലൂര്‍ ഒറ്റാറയ്ക്കല്‍ ഷിബുവിന്റെ വീടിന് നേരെയാണ് കഴിഞ്ഞ ദിവസം ആക്രമണം നടത്തിയത്.വീടിന്റെ ജനാല ചില്ലുകള്‍ രാത്രിയില്‍ സാമൂഹ്യ വിരുദ്ധര്‍ എറിഞ്ഞുതകര്‍ത്തു.വീടിനുള്ളിലുണ്ടായിരുന്നവര്‍ പരുക്കേല്‍ക്കാതെ രക്ഷപ്പെട്ടു.
കൂറ്റന്‍ കല്ലുകള്‍ കൊണ്ട് ജനാല ചില്ലുകള്‍ എറിഞ്ഞുതകര്‍ത്തപ്പോള്‍ ചില്ലുകഷണങ്ങള്‍ വീടിനുള്ളിലും വീണു. എരമല്ലൂരിലും സമീപ പ്രദേശങ്ങളിലും രാത്രി കാലങ്ങളില്‍ ലഹരി മരുന്നുകള്‍ ഉപയോഗിക്കുന്ന സംഘങ്ങള്‍ വിലസുകയാണെന്ന് നാട്ടുകാര്‍ പറയുന്നു.