ന്യൂഡല്‍ഹി: സൈന്യത്തിന് ആയുധങ്ങള്‍ വാങ്ങാന്‍ പ്രതിരോധ മന്ത്രാലയം അനുമതി നല്‍കി.
7.40 ലക്ഷം റൈഫിളുകള്‍ വാങ്ങിക്കാനായി 15,935 കോടി രൂപയാണ് അനുവദിക്കുന്നത്. ഇത് കര,നാവിക, വ്യോമസേനകള്‍ക്കുവേണ്ടിയാണെന്ന് പ്രതിരോധ മന്ത്രാലയം അറിയിച്ചു.
പ്രതിരോധ മന്ത്രി നിര്‍മലാ സീതാരാമന്റെ അധ്യക്ഷതയില്‍ ചേര്‍ന്ന ഡിഫന്‍സ് അക്വിസിഷന്‍ കൗണ്‍സില്‍(ഡി.എ.സി) മീറ്റിങ്ങിലാണ് തീരുമാനമായത്.
1,819 കോടി ചെലവഴിച്ച് ലൈറ്റ് മെഷിന്‍ ഗണ്ണുകള്‍ വാങ്ങിക്കാനും തീരുമാനമുണ്ട്.
ഇതിന് പുറമെ 982 കോടി രൂപ ചെലവിട്ട് 5, 719 സ്‌നിപ്പര്‍ റൈഫിള്‍ സൈന്യത്തിനായി വാങ്ങിക്കാനും തീരുമാനിച്ചിട്ടുണ്ട്.