ന്യൂഡല്‍ഹി: രാജ്യത്തെ കൊള്ളയടിക്കണമെങ്കില്‍ നരേന്ദ്രമോദിയെ ആലിംഗനം ചെയ്‌തോളൂ എന്ന് രാഹുല്‍ ഗാന്ധി. പഞ്ചാബ് നാഷനല്‍ ബാങ്ക് തട്ടിപ്പു കേസ് നീരവ് മോദി പ്രധാനമന്ത്രി നരേന്ദ്ര മോദിക്കൊപ്പം നില്‍ക്കുന്ന ചിത്രം യെച്ചൂരി പുറത്തു വിട്ടതിനു പിന്നാലെയാണ് പരിഹാസവുമായി കോണ്‍ഗ്രസ് അധ്യക്ഷന്‍ രംഗത്തെത്തിയിരിക്കുന്നത്.

ഇന്ത്യയെ കൊള്ളയടിക്കാനുള്ള വഴികള്‍ ബൈ നീരവ് മോദി എന്നതാണ് ട്വീറ്റ്. അതില്‍ അക്കമിട്ടു നിരത്തിയാണ് രാഹുല്‍ കാര്യങ്ങള്‍ അവതരിപ്പിക്കുന്നത്

1 മോദിയെ ആലിംഗനം ചെയ്യുക
2 ദാവോസില്‍ മോദിക്കൊപ്പം പങ്കെടുക്കുക

ഇങ്ങനെയൊക്കെ ചെയ്താല്‍ കിട്ടുന്ന ഫലമാണ് അടുത്തത്.
1 12,000കോടി രൂപ മോഷ്ടിക്കാം.
2 സര്‍ക്കാര്‍ തെരഞ്ഞുകൊണ്ടിരിക്കെ, മല്യയെ പോലെ രാജ്യം വിടാം.

കേസെടുക്കുന്നതിന് മുമ്പ് നീരവ് മോദി ഇന്ത്യ വിട്ടതായി റിപ്പോര്‍ട്ടുണ്ടായിരുന്നു. എന്നാല്‍ ബാങ്ക് തട്ടിപ്പ് ആരോപണം ഉയര്‍ന്ന ശേഷമായിരുന്നു ദാവോസിലെ സമ്മേളനം.

നീരവ് മോദിയുടെ വീട്ടിലും സ്ഥാപനങ്ങളിലും എന്‍ഫോഴ്‌സ്‌മെന്റ് ഉദ്യോഗസ്ഥര്‍ ഇന്ന് റെയ്ഡ് നടത്തിയിരുന്നു. കഴിഞ്ഞ ദിവസമാണ് പഞ്ചാബ് നാഷണല്‍ ബാങ്കില്‍ വന്‍തട്ടിപ്പ് പുറത്തെത്തിയത്. 11,500 കോടി രൂപയുടേതാണ് തട്ടിപ്പ്.