ശ്രീനഗര്‍: പൂഞ്ച് ജില്ലയില്‍ അതിര്‍ത്തി വഴി നുഴഞ്ഞുകയറാനുള്ള ഭീകരരുടെ ശ്രമം സുരക്ഷാ സേന തകര്‍ത്തു. അതിര്‍ത്തിയില്‍ ബാലാകോട്ട് വഴി ചിലര്‍ കടക്കാന്‍ ശ്രമിക്കുന്നതായി ശ്രദ്ധയില്‍പ്പെട്ടതോടെ സൈന്യം സുരക്ഷ കര്‍ശനമാക്കി. പ്രദേശത്ത് അക്രമങ്ങള്‍ നടത്തി കടക്കാനായിരുന്നു ഭീകരരുടെ ശ്രമമെങ്കിലും ശക്തമായ തിരിച്ചടിയെ തുടര്‍ന്ന് ഇവര്‍ പിന്‍വാങ്ങിയതായി സൈന്യം അറിയിച്ചു. ഇതുവഴി മറ്റാരെങ്കിലും കടക്കാനുള്ള ശ്രമമുണ്ടോയെന്നറിയാന്‍ പരിശോധന കര്‍ശനമാക്കിയിട്ടുണ്ട്.