കട്ടാങ്ങല്‍: മലയമ്മയില്‍ തുടങ്ങുന്ന നാരകശ്ശേരി അഹ്മദ് അബൂബക്കര്‍ മുസ്‌ലിയാര്‍ സ്മാരക മന്‍ഹജുല്‍ ഹുദാ ദഅ്‌വ കോളജിന്റെ പ്രഖ്യാപന സമ്മേളനത്തിനും മതപ്രഭാഷണത്തിനും നാളെ വൈകിട്ട് ഏഴിനു തുടക്കമാകും.
അബൂ മൗലവി അമ്പലക്കണ്ടിയുടെ അധ്യക്ഷതയില്‍ വാവാട് കുഞ്ഞിക്കോയ മുസ്‌ലിയാര്‍ ഉദ്ഘാടനം ചെയ്യും. അന്‍വര്‍ മുഹിയുദ്ദീന്‍ ഹുദവി പ്രഭാഷണം നടത്തും. മോയിമോന്‍ ഹാജി മുക്കം, മൂസക്കോയ മുസ്‌ലിയാര്‍ വയനാട് പങ്കെടുക്കും. 22നു സയ്യിദ് മുബശ്ശിര്‍ തങ്ങള്‍ ജമലുല്ലൈലി ഉദ്ഘാടനം ചെയ്യും. ശരീഫ് ദാരിമി നാട്ടുകല്‍ പ്രഭാഷണം നടത്തും. ഉമര്‍ ഫൈസി മുക്കം, മുസ്തഫ മുണ്ടുപാറ പങ്കെടുക്കും. 23 നു നടക്കുന്ന മജ്‌ലിസുന്നൂര്‍ സംഗമം പാണക്കാട് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. ചേലക്കാട് മുഹമ്മദ് മുസ്‌ലിയാര്‍ നേതൃത്വം നല്‍കും. സി. മോയിന്‍കുട്ടി, അബൂബക്കര്‍ ഫൈസി മലയമ്മ പങ്കെടുക്കും.
24നു വൈകിട്ട് ഏഴിനു നടക്കുന്ന പ്രഖ്യാപന സമ്മേളനം സമസ്ത പ്രസിഡന്റ് സയ്യിദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും.
കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി തങ്ങള്‍ അധ്യക്ഷനാകും. ഓണമ്പിള്ളി മുഹമ്മദ് ഫൈസി പ്രഭാഷണം നടത്തും.