ബിലാസ്പൂര്‍: നിര്‍ണായക പോരാട്ടത്തില്‍ മഹാരാഷ്ട്രയോട് പരാജയപ്പെട്ട് കേരളം വിജയ് ഹസാരെ ട്രോഫി ഏകദിന പോരാട്ടത്തില്‍ നിന്ന് പുറത്ത്. 37 ഓവറാക്കി ചുരുക്കിയ മത്സരത്തില്‍ 98 റണ്‍സിനാണ് കേരളത്തിന്റെ തോല്‍വി. ആദ്യം ബാറ്റ് ചെയ്ത മാഹാരാഷ്ട്ര എട്ട് വിക്കറ്റിന് 273 റണ്‍സെടുത്തപ്പോള്‍ കേരളത്തിന്റെ ചെറുത്ത് നില്‍പ്പ് 29.2 ഓവറില്‍ 175 റണ്‍സില്‍ അവസാനിച്ചു. സഞ്ജു സാംസണ്‍ (46) ടോപ് സ്‌കോററായി. മറ്റൊരു താരത്തിനും ദീര്‍ഘ നേരം ക്രീസില്‍ നില്‍ക്കാനിയില്ല. 76 റണ്‍സെടുത്ത നൗഷാദ് ഷെയ്ഖിന്റെ ബാറ്റിങ് മികവാണ് മഹാരാഷ്ട്രയ്ക്ക് മികച്ച സ്‌കോര്‍ സമ്മാനിച്ചത്.