അബുജ: നൈജീരിയയിലുണ്ടായ മൂന്ന് ചാവേര്‍ സ്‌ഫോടനങ്ങളില്‍ 18 പേര്‍ കൊല്ലപ്പെട്ടു. നൈജീരിയന്‍ നഗരമായ കൊണ്ടുഗയിലാണ് ഭീകരാക്രമണം നടന്നത്. ആദ്യ രണ്ട് ആക്രമണങ്ങള്‍ നഗരത്തിലെ മത്സ്യ മാര്‍ക്കറ്റിലും ഒന്ന് ഇതിനടുത്തുമാണ് ആക്രമണം നടന്നത്. ബോകോ ഹറം ആണ് ആക്രണം നടത്തിയതെന്നാണ് നൈജീരിയന്‍ വൃത്തങ്ങള്‍ സംശയിക്കുന്നത്. എന്നാല്‍, ഇവര്‍ ഇതുവരെ പ്രതികരിച്ചിട്ടില്ല. ആക്രമണത്തില്‍ 50ലേറെ പേര്‍ക്ക് പരുക്കേറ്റിട്ടുണ്ട് .