മാഡ്രിഡ്: സൂപ്പര്‍ താരം ക്രിസ്റ്റ്യാനോ റൊണാള്‍ഡോ ഇറങ്ങാതിരുന്ന പോരാട്ടത്തില്‍ റയല്‍ മാഡ്രിഡിന് വിജയം. സ്പാനിഷ് ലാ ലിഗ പോരാട്ടത്തില്‍ അവര്‍ 3-1ന് ലെഗാനെസിനെ വീഴ്ത്തി. ആറാം മിനുട്ടില്‍ ഗോള്‍ വഴങ്ങി തകര്‍ച്ചയോടെ തുടങ്ങിയ റയല്‍ പിന്നീട് 11ാം മിനുട്ടില്‍ ലൂക്കാസ് വാസ്‌ക്വെസ്, 29ാം മിനുട്ടില്‍ കസെമിറോ, അവസാന നിമിഷങ്ങളില്‍ ലഭിച്ച പെനാല്‍റ്റി വലയിലാക്കി ക്യാപ്റ്റന്‍ സെര്‍ജിയോ റാമോസ് എന്നിവരുടെ ഗോളുകളിലാണ് റയല്‍ മത്സരം വിജയിച്ചത്.