റിയോ ഡി ജനീറോ: കാലിന് പരുക്കേറ്റ് കളിക്കളം വിട്ട പാരിസ് സെന്റ് ജെര്‍മെയ്‌ന്റെ ബ്രസീലിയന്‍ സൂപ്പര്‍ താരം നെയ്മര്‍ ശസ്ത്രക്രിയക്കായി ബ്രസീലില്‍.
മാഴ്‌സയ്‌ക്കെതിരായ പി.എസ്.ജിയുടെ മത്സരത്തിനിടെ പരുക്കേറ്റ് താരം സ്‌ട്രെക്ചറിലാണ് കളം വിട്ടത്. വിശദ പരിശോധനയില്‍ നെയ്മറിന്റെ പരുക്ക് സാരമുള്ളതാണെന്ന് കണ്ടെത്തിയിരുന്നു. ഇതേ തുടര്‍ന്നാണ് താരം ശസ്ത്രക്രിയക്കായി നാട്ടിലേക്ക് തിരിച്ചത്.
രണ്ട് മാസത്തോളം നെയ്മറിന് ഡോക്ടര്‍മാര്‍ വിശ്രമം നിര്‍ദേശിച്ചതിനാല്‍ ലോക റെക്കോര്‍ഡ് തുകയ്ക്ക് ഫ്രഞ്ച് ടീം പാളയത്തിലെത്തിച്ച സൂപ്പര്‍ താരത്തിന്റെ സേവനം ഈ സീസണില്‍ ടീമിന് ലഭിക്കില്ലെന്നുറപ്പായി.
ലോകകപ്പിന് മുന്‍പ് പരുക്ക് മാറി നെയ്മര്‍ കളിക്കളത്തില്‍ തിരിച്ചെത്തും.