കാബൂള്‍: അഫ്ഗാനിസ്താന്‍ തലസ്ഥാനമായ കാബൂളില്‍ കാര്‍ബോംബ് സ്‌ഫോടനത്തില്‍ ഒരു മരണം. 14 പേര്‍ക്ക് ഗുരുതരമായി പരുക്കേറ്റു. ആക്രമണത്തില്‍ ആരും ഉത്തരവാദിത്തം ഏറ്റെടുത്തിട്ടില്ല.
താലിബാനുമായി ചര്‍ച്ച ആരംഭിക്കാന്‍ അഫ്ഗാനിസ്താന്‍ പ്രസിഡന്റ് അഷ്‌റഫ് ഗനി സന്നദ്ധത അറിയിച്ച് രണ്ടു ദിവസത്തിനു ശേഷമാണ് ആക്രമണമെന്നതു ശ്രദ്ധേയമാണ്. നഗരത്തിലെ ഖബ്‌ല് ഭായ് മേഖലയിലാണ് ആക്രമണമുണ്ടായത്.
അതേസമയം, തങ്ങളുടെ എംബസിക്കടുത്താണ് ആക്രമണമുണ്ടായതെന്ന് ആസ്‌ത്രേലിയന്‍ വിദേശ കാര്യ മന്ത്രാലയം അറിയിച്ചു.