ദമാം: മലപ്പുറം സ്വദേശിയെ ദമാമിലെ താമസ സ്ഥലത്ത് തൂങ്ങി മരിച്ച നിലയില്‍ കണ്ടെത്തി. മലപ്പുറം മോങ്ങം സ്വദേശി ചെറുപുത്തൂര്‍ വെള്ളാരം പാറക്കല്‍ ഹൗസില്‍ അബ്ദുള്ളക്കുട്ടിയുടെ മകന്‍ മഹ്മൂദ് ആണ് തൂങ്ങി മരിച്ച നിലയില്‍ കാണപ്പെട്ടത്.

ഞായറാഴ്ച്ച ഉച്ചക്കാണ് തൂങ്ങി മരിച്ച നിലയില്‍ കണ്ടെത്തിയത്. ദമാം റിയാദ് എക്‌സ്പ്രസ്സ് വേയില്‍ ചെക്ക് പോസ്റ്റിനു സമീപം പെട്രോള്‍ പമ്പിലെ ബൂഫിയയില്‍ ജോലി ചെയ്തിരുന്ന ഇദ്ദേഹം ഉച്ച വിശ്രമത്തിനായി റൂമിലേക്ക് പോയതായിരുന്നു.

ഏറെ നേരെ കഴിഞ്ഞിട്ടും തിരിച്ചു വരാത്തതിനെ തുടര്‍ന്നു സഹപ്രവര്‍ത്തകര്‍ നടത്തിയ അന്വേഷണത്തിലാണ് റൂമില്‍ തൂങ്ങി മരിച്ച നിലയില്‍ കണ്ടത്തിയത്. പൊലിസ് സ്ഥലത്തെത്തി ഇന്‍ക്വസ്റ്റ് നടത്തി മൃതദേഹം ആശുപത്രി മോര്‍ച്ചറിയിലേക്കു മാറ്റി.