കൊല്ലം: പുനലൂരില്‍ ആത്മഹത്യ ചെയ്ത പ്രവാസി സുഗതന്‍ സി.പി.ഐ നേതാക്കള്‍ക്ക് പണം നല്‍കിയതായി മകന്റെ സുനിലിന്റെ വെളിപ്പെടുത്തല്‍.
63,000 രൂപക്ക് സ്വര്‍ണം പണയംവച്ചാണ് സി.പി.ഐ നേതാക്കള്‍ക്ക് പിതാവ് നല്‍കിയതെന്ന് സുനില്‍ പറഞ്ഞു. സ്വര്‍ണം പണയം വച്ചതിന്റെ രസീതുകള്‍ സുനില്‍ മാധ്യമങ്ങളിലൂടെ പുറത്തുവിട്ടു.
സുഗതന്‍ സി.പി.ഐ നേതാക്കന്‍മാര്‍ക്ക് പണം നല്‍കിയെന്ന് പ്രതിപക്ഷനേതാവ് രമേശ് ചെന്നിത്തലയും ആരോപിച്ചിരുന്നു.
സംഭവത്തില്‍ സുഗതന്റെ കുടുംബത്തെ സഹായിക്കാന്‍ സി.പി.എം പ്രാദേശിക നേതൃത്വം അണിയറിയില്‍ പ്രവര്‍ത്തിക്കുന്നതായാണ് അറിയുന്നത്.