പെരിന്തല്‍മണ്ണ: സമസ്ത കേരള ജംഇയ്യതുല്‍  ഉലമയുടെ പ്രസിഡന്റായി തിരഞ്ഞെടുക്കപ്പെട്ടു പട്ടിക്കാട് ജാമിഅ  നൂരിയ്യയിലെത്തിയ എ.പി മുഹമ്മദ് മുസ്‌ലിയാര്‍ക്കു ജാമിഅ അങ്കണത്തില്‍  ഹൃദ്യമായ വരവേല്‍പ്പ് നല്‍കി. ജാമിഅ നൂരിയ്യയുടെ സ്ഥാപിത നാള്‍ മുതല്‍  വിദ്യാര്‍ഥിയും തുടര്‍ന്ന് അധ്യാപകനായും സേവനം അനുഷ്ടിച്ചിട്ടുണ്ട്.  ജാമിഅ നൂരിയ്യയിലെ  നിറസാന്നിധ്യമായ എ.പി മുഹമ്മദ് മുസ്‌ലിയാര്‍  സ്ഥാനലബ്ദിക്കുശേഷം തന്റെ മാതൃ സ്ഥാപനത്തില്‍ വരുകയായിരുന്നു.
സ്വീകരണ  പരിപാടിയില്‍ ജാമിഅ സെക്രട്ടറി ഹാജി കെ മമ്മദ് ഫൈസി അധ്യക്ഷനായി.  സി. കെ എം സ്വാദിഖ് മുസ്‌ലിയാര്‍ ഉദ്ഘാടനം ചെയ്തു. അബ്ദുല്‍ ലത്ത്ീഫ് ഫൈസി  പാതിരമണ്ണ, സിയാഉദ്ദീന്‍ ഫൈസി മേല്‍മുറി, സി കെ അബ്ദുറഹ്മാന്‍ ഫൈസി,  അരിപ്ര ബാപ്പുട്ടി ഫൈസി വേങ്ങൂര്‍, സുബൈര്‍ തങ്ങള്‍ ഫൈസി മേല്‍മുറി, എ. ഉമറുല്‍  ഫാറൂഖ്, എ.ടി മമ്മദ് ഹാജി, അബ്ദുപ്പുഹാജി, എം അബൂബക്കര്‍ സംബന്ധിച്ചു.