കണിയാമ്പറ്റ: ഗവ. ഹയര്‍ സെക്കന്‍ഡറി സ്‌കൂളിലെ സാഹിത്യ കൂട്ടായ്മയായ അക്ഷരവേദിയുടെ എട്ടാമത് സാഹിത്യ പുരസ്‌കാരം കണ്ണൂര്‍ ജില്ലയിലെ ശ്രീകണ്ഠാപുരം ഗവ. ഹയര്‍ സെക്കന്‍ഡറി സ്‌കൂളിലെ പത്താം ക്ലാസ് വിദ്യാര്‍ഥിനി ആര്‍.കെ ശ്രീലക്ഷ്മിക്ക് നാളെ രാവിലെ പതിനൊന്നിന് സ്‌കൂള്‍ ഓഡിറ്റോറിയത്തില്‍ എഴുത്തുകാരന്‍ പ്രതാപന്‍ തായാട്ട് സമ്മാനിക്കും. പി.ടി.എ പ്രസിഡന്റ് അബ്ദുള്‍ ഗഫൂര്‍ കാട്ടി അധ്യക്ഷനാവും.
ദേശീയ അധ്യാപക അവാര്‍ഡ് ജേതാവ് സി.കെ പവിത്രന്‍ എ.ആര്‍ ശിവദാസന്‍ മാസ്റ്റര്‍ അനുസ്മരണ പ്രഭാഷണം നടത്തും. സംസ്ഥാനതലത്തില്‍ നടത്തിയ കഥാമത്സരത്തില്‍ ശ്രീലക്ഷ്മിയുടെ 'മേഥ ആദ്യസര്‍വിസ് അവസാനത്തേതും' എന്ന കഥക്കാണ് പുരസ്‌കാരം ലഭിച്ചത്.