ചവറ: ചവറ മുസ്‌ലിം കള്‍ച്ചറല്‍ അസോസിയേഷന്റെ നേതൃത്വത്തില്‍ വനിതാ ദിനത്തില്‍ ചവറയിലെ മികച്ച കര്‍ഷകയെ ആദരിച്ചു. ചവറ പുല്ലംവയലില്‍ റസിയത്തിനെയാണ് വീട്ടിലെ കൃഷിയിടത്തിലെത്തി ആദരിച്ചത്. സ്വന്തം കൃഷിയിടത്തില്‍ തീര്‍ത്തും ജൈവ രീതിയില്‍ ഇവര്‍ കൃഷി നടത്തുന്നത്.
വീട്ടാവശ്യം കഴിഞ്ഞ് വരുന്ന പച്ചക്കറികള്‍ ബ്ലോക്ക് ഓഫിസ് അങ്കണത്തിലെ എ ഗ്രഡ് ക്ലസ്റ്റര്‍ യൂനിറ്റ് വഴിയും വിതരണം ചെയ്യുന്നുണ്ട്. ചവറ ഗ്രമത്തിലെ മികച്ച കര്‍ഷകക്കുള്ള അവാര്‍ഡ് നേടിയിരുന്നു. കേരള സര്‍ക്കാരിന്റെ ഒരു മുറം പച്ചക്കറി അവാര്‍ഡിന് അര്‍ഹയായി. ജില്ലാ പഞ്ചായത്തംഗം എസ്.ശോഭ റസിയത്തിനെ ആദരിച്ചു.
സി.എം.സി.എ സെക്രട്ടറി ദീന്‍ഷാ മണ്ണേല്‍, എച്ച്.ജയ്, എ.കെ ലെജു, എന്‍.എസ് ഫൈസല്‍, നൗഫല്‍, സുനീര്‍, സുധീര്‍ പങ്കെടുത്തു.