സുല്‍ത്താന്‍ ബത്തേരി: മാര്‍ച്ച് പതിനാലിന് സുല്‍ത്താന്‍ ബത്തേരി ടൗണ്‍ ഹാളില്‍ നടക്കുന്ന എസ്.വൈ.എസ് ജില്ലാ പ്രതിനിധി സമ്മേളനത്തിന്റെ ഭാഗമായി എസ്.കെ.എസ്.എസ്.എഫ് സുല്‍ത്താന്‍ ബത്തേരി മേഖല വിഖായ സമിതിയുടെ നേതൃത്വത്തില്‍ വളണ്ടിയേഴ്‌സ് മീറ്റ് നടത്തി. സമ്മേളനം വിജയിപ്പിക്കുന്നതിന് വിവിധ തലങ്ങളില്‍ വിഖായയുടെ പ്രവര്‍ത്തകരെ ഉള്‍പ്പെടുത്തി വളണ്ടിയേഴ്‌സ് കോര്‍ രൂപീകരിച്ചു. മുസ്തഫ ദാരിമി ഉദ്ഘാടനം ചെയ്തു.
സുല്‍ത്താന്‍ ബത്തേരി റെയ്ഞ്ച് സെക്രട്ടറി അബ്ദുല്‍ കരീം ബാഖവി അധ്യക്ഷനായി. ഇ.പി മുഹമ്മദലി, ഹാരിസ് ബനാന, സുല്‍ത്താന നാസര്‍, പ്രിന്‍സ് മുനീര്‍, നൗഷാദ് ഗസാലി, അംജദ് ഫൈസി, നിഷാദ് വാഫി, റിയാസ് പാപ്ലശ്ശേരി, റിയാസ് സംസാരിച്ചു.