വള്ളുവമ്പ്രം: റേഷന്‍ കടയില്‍ നിന്ന് വാങ്ങിയ ഗോതമ്പില്‍ വെടിമരുന്നടങ്ങിയ പൊതി കണ്ടെത്തി. കഴിഞ്ഞ ദിവസം അറവങ്കര ന്യൂബസാറിലെ റേഷന്‍ കട വഴി വിതരണം ചെയ്ത ഗോതമ്പില്‍ നിന്നാണ് വെടിമരുന്നടങ്ങിയ പൊതി കണ്ടെത്തിയത്.
ചീനിക്കല്‍ സ്വദേശി ബിയ്യാത്തുവിനാണ് ഗോതമ്പില്‍ നിന്ന് പൊതിലഭിച്ചത്. കടയില്‍ നിന്ന് വീട്ടിലെത്തിയ ശേഷം ദുര്‍ഗന്ധം വമിച്ച് തുടങ്ങിയിരുന്നു. തുടര്‍ന്ന് ഗോതമ്പ് സഞ്ചി തുറന്ന് പരിശോധിച്ചപ്പോഴാണ് തുണിശീലയില്‍ കെട്ടിപൊതിഞ്ഞ നിലയിലുള്ള വെടിമരുന്ന് പൊതി കണ്ടെത്തിയത്. ഇതിനെതിരേ സിവില്‍ സപ്ലൈസ് അധികൃതര്‍ക്ക് പരാതി നല്‍കിയിട്ടുണ്ട്. തനിക്ക് ലഭിച്ച ഗോതമ്പ് റേഷന്‍ കടയിലേക്ക് ഇന്ന് തന്നെ ബിയ്യാത്തു തിരിച്ചുനല്‍കും.