റിയാദ്: സഊദി കിരീടാവകാശിയും പ്രതിരോധമന്ത്രിയുമായ മുഹമ്മദ് ബിന്‍ സല്‍മാനും അമേരിക്കന്‍ പ്രസിഡന്റ് ഡൊണാള്‍ഡ് ട്രംപും തമ്മിലുള്ള കൂടിക്കാഴ്ച 20ന് വൈറ്റ് ഹൗസില്‍ നടക്കും.
ഇറാന്‍ വിഷയം, ഖത്തര്‍ ഉപരോധം, സിറിയ, യമന്‍ തുടങ്ങി മധ്യേഷ്യയിലെ പ്രധാന പ്രശ്‌നങ്ങള്‍ ചര്‍ച്ചയാകുന്ന കൂടിക്കാഴ്ചക്ക് ഏറെ രാഷ്ട്രീയ പ്രാധാന്യമാണുള്ളത്.
കിരീടാവകാശിയായി ചുമതലയേറ്റശേഷം അദ്ദേഹം നടത്തുന്ന ആദ്യ അമേരിക്കന്‍ സന്ദര്‍ശനമാണിത്.
ട്രംപും കിരീടാവകാശിയും തമ്മില്‍ നടത്തുന്ന കൂടിക്കാഴ്ച യു.എസും സഊദിയും തമ്മിലുള്ള ബന്ധങ്ങള്‍ക്ക് കൂടുതല്‍ ശക്തിപകരുമെന്ന് കൂടിക്കാഴ്ചവിവരം പുറത്തുവിട്ട വൈറ്റ് ഹൗസ് വക്താവ് സാറ സാന്‍ഡേഴ്‌സ് വ്യക്തമാക്കി.
കിരീടാവകാശിയായി സ്ഥാനമേല്‍ക്കുന്നതിനുമുന്‍പ് ഉപകിരീടാവകാശിയായവേളയില്‍ 2017 മാര്‍ച്ചില്‍ മുഹമ്മദ് ബിന്‍ സല്‍മാന്‍ യു.എസ് സന്ദര്‍ശിച്ചിരുന്നു.