കോഴിക്കോട്: ഈ വര്‍ഷത്തെ തനിമ പുരസ്‌കാരം മന്ത്രി ഡോ. കെ.ടി ജലീലിന്റെ 'മലബാര്‍ കലാപം ഒരു പുനര്‍ വായന' എന്ന ചരിത്രപഠനഗ്രന്ഥത്തിന്. കേരള ചരിത്രത്തെ ആസ്പദമാക്കി രചിച്ച കൃതിക്കാണ് പുരസ്‌കാരം. ഡോ. കെ.എസ് മാധവന്‍, ഡോ. ഷംഷാദ് ഹുസൈന്‍, എന്‍.എം ഹുസൈന്‍ എന്നിവരടങ്ങിയ സമിതിയാണു പുരസ്‌കാരം നിര്‍ണയിച്ചത്. 10,000 രൂപയും ഫലകവും പ്രശസ്തി പത്രവും അടങ്ങുന്ന പുരസ്‌കാരം 22നു വൈകിട്ട് അഞ്ചിന് തിരുവനന്തപുരത്ത് നിയമസഭാ സ്പീക്കര്‍ പി. ശ്രീരാമകൃഷ്ണന്‍ സമ്മാനിക്കുമെന്ന് ആദം അയൂബ്, ഡോ. ജമീല്‍ അഹമ്മദ്, ഡോ. എം. ഷാജഹാന്‍ എന്നിവര്‍ വാര്‍ത്താസമ്മേളനത്തില്‍ അറിയിച്ചു.