മേലാറ്റൂര്‍ : മെഡിക്കല്‍ എന്‍ട്രന്‍സ് പരീക്ഷയില്‍ പതിനാറാം റാങ്ക് നേടിയ ഫവാസിന്റെ വിജയത്തിനു തിളക്കമേറെ.  ചെമ്മാണിയോട് പുത്തന്‍പള്ളി സ്വദേശി  കൊല്ലാരന്‍  അബ്ദുല്ല -സുബൈദ  ദമ്പതികളുടെ മകനായ ഫവാസിന്റെ  ഉന്നത വിജയ വാര്‍ത്ത അറിഞ്ഞതോടെ വീട്ടിലും നാട്ടിലും ആഹ്ലാദം അലയടിച്ചു.  മേലാറ്റൂര്‍ ചെമ്മാണിയോട് ദാറുല്‍ ഹികം ഇംഗ്ലീഷ് സ്‌കൂളിലാണ് എല്‍.കെ.ജി മുതല്‍ പത്താംതരംവരെ ഫവാസിന്റെ പഠനം. വെള്ളിയഞ്ചേരി എ.എസ്.എം  ഹയര്‍സെക്കന്‍ഡറി സ്‌കൂളില്‍ നിന്നും പ്ലസ്ടു പരീക്ഷയിലും മികച്ച വിജയംനേടിയശേഷമാണ് ഫവാസ് എന്‍ട്രസ് പരീക്ഷയെ നേരിട്ടത്. നാട്ടുകാരും ജനപ്രതിനിധികളും ഫവാസിന്റെ വിജയഹ്ലാദത്തില്‍ കുടുംബത്തോടൊപ്പം പങ്കുചേര്‍ന്നു.