വളാഞ്ചേരി: വട്ടപ്പാറ വളവിലെ അപകടങ്ങള്‍ക്കു പരിഹാരം കാണുന്നതിനു കഞ്ഞിപ്പുര-മൂടാല്‍ ബൈപാസ് നിര്‍മാണം വേഗത്തിലാക്കണമെന്നാവശ്യപ്പെട്ട് ആക്ഷന്‍ കമ്മിറ്റി ഭാരവാഹികള്‍ മന്ത്രിമാരെ കണ്ടു.
ആബിദ് ഹുസൈന്‍ തങ്ങള്‍ എം.എല്‍എ യുടെ നേതൃത്വത്തില്‍ ആക്ഷന്‍ കമ്മിറ്റി ചെയര്‍മാന്‍ സി.എച്ച് അബൂയൂസുഫ് ഗുരുക്കള്‍, ജനറല്‍ കണ്‍വീനര്‍ വി.പി സക്കറിയ, ട്രഷറര്‍ പറശേരി ഹസൈനാര്‍, അംഗങ്ങളായ ടി.പി അബ്ദുല്‍ ഗഫൂര്‍, അഷ്‌റഫ് അമ്പലത്തിങ്ങല്‍, ഫൈസല്‍ തങ്ങള്‍, സുരേഷ് പാറത്തൊടി, സലാം വളാഞ്ചേരി എന്നിവരടങ്ങുന്ന സംഘമാണ് തിരുവനന്തപുരത്തെത്തി ധനകാര്യ മന്ത്രി ഡോ. തോമസ് ഐസക്, പൊതുമരാമത്ത് വകുപ്പ് മന്ത്രി ജി. സുധാകരന്‍, തദ്ദേശ വകുപ്പ് മന്ത്രി ഡോ. കെ.ടി ജലീല്‍ എന്നിവരെകണ്ടത്. അനുകൂലമായ സമീപനമാണ് മന്ത്രിമാരില്‍നിന്നുണ്ടായതെന്നു ഭാരവാഹികള്‍ പറഞ്ഞു.
ബൈപാസ് നിര്‍മാണം വേഗത്തിലാക്കുന്നതിനായി വാട്ടര്‍ അതോറിറ്റി, കെ.എസ്.ഇ.ബി,പൊതുമരാമത്ത് തുടങ്ങിയ വകുപ്പുകളെ ഏകോപിപ്പിച്ച് ഉടനെ യോഗം വിളിക്കും. ഇതിലേക്ക് ആക്ഷന്‍ കമ്മിറ്റി ഭാരവാരാഹികളെയും ക്ഷണിച്ചിട്ടുണ്ട്.