വടക്കാഞ്ചേരി : മീനചൂടിന്റെ രൂക്ഷതയില്‍ കാടിറങ്ങുന്ന വന്യ ജീവികളുടെ പട്ടികയില്‍ മലയണ്ണാനും. അതിവേഗം വംശനാശം നേരിടുന്ന ഈ ജീവി ജനവാസ മേഖലയില്‍ അത്യപൂര്‍വ്വ കാഴ്ചയാണ്.
എന്നാല്‍ ഇത്തവണത്തെ കടുത്ത ചൂട് മലയണ്ണാനേയും നാട്ടിലിറക്കി. ഇന്നലെ വടക്കാഞ്ചേരി നഗരഹൃദയത്തില്‍ ഏറെ വാഹന ജന തിരക്കുള്ള പുഴ പാലത്തിനു സമീപം മലയണ്ണാനെ കണ്ടെത്തി . പുഴയോടു ചേര്‍ന്നു വളര്‍ന്നു നില്‍ക്കുന്ന മരത്തിനു മുകളിലാണു ഉച്ചയ്ക്കു മലയണ്ണാനെ കണ്ടെത്തിയത്. കാക്കകള്‍ ബഹളം വെച്ചപ്പോഴാണു മേഖലയിലെ ഓട്ടോടാക്‌സി ഡ്രൈവര്‍മാരും മരത്തിനു മുകളില്‍ മലയണ്ണാനെ കാണുന്നത്. ജനങ്ങള്‍ ബഹളം വെച്ചതോടെ സംസ്ഥാന പാതയിലേക്കു ഓടിയിറങ്ങിയ മലയണ്ണാന്‍ തൊട്ടടുത്ത വ്യാപാര സ്ഥാപന കെട്ടിടത്തിലേയ്ക്കു ഓടി മറയുകയും ചെയ്തു.