വാഷിങ്ടൺ: ബ്രസീലിന് 50 % ഇറക്കുമതി ചുങ്കം ഏർപ്പെടുത്തിയ യു.എസ് മറ്റ് എട്ടു രാജ്യങ്ങളുടെ തീരുവയിലും മാറ്റംവരുത്തി. ബ്രസീലിയൻ പ്രസിഡന്റ് ലൂയിസ് ഇനാഷ്യോ ലുലാ ഡെ സിൽവയുമായുള്ള തർക്കത്തിനു പിന്നാലെയാണ് ട്രംപ് നികുതി കൂട്ടിയത്. ട്രംപ് ഒഴിവാക്കപ്പെടേണ്ട ചക്രവർത്തിയാണെന്ന് ലുല പരാമർശിച്ചിരുന്നു. ശ്രീലങ്കയ്ക്കും ട്രംപ് 30 ശതമാനം ചുങ്കം ഏർപ്പെടുത്തി. അൾജീരിയ, ഇറാഖ്, ലിബിയ രാജ്യങ്ങൾക്കും 30 ശതമാനം നികുതി ചുമത്തി. ബ്രൂണെയ്ക്കും മാൾഡോവയ്ക്കും 25 ശതമാനം നികുതി കൂട്ടി. ഫിലിപ്പൈൻസിന് 20 ശതമാനമാണ് നികുതി. അമേരിക്കൻ വിരുദ്ധനയം തുടരുന്ന ബ്രിക്സ് രാജ്യങ്ങൾക്ക് 10 ശതമാനം നികുതി ചുമത്തുമെന്ന് ട്രംപ് പറഞ്ഞിരുന്നു. ഇന്ത്യയും ബ്രസീലും ചൈനയും റഷ്യയും ആണ് ബ്രിക്സിലെ പ്രധാന രാജ്യങ്ങൾ. കഴിഞ്ഞ ദിവസമാണ് ബ്രിക്സ് ഉച്ചകോടി ബ്രസീലിൽ നടന്നത്. പിന്നാലെയാണ് ബ്രസീലിന് വൻ നികുതി ചുമത്തിയത്. യു.എസ് ഉൽപന്നങ്ങൾക്കും തിരിച്ച് നികുതി ചുമത്തുമെന്ന് ബ്രസീൽ പ്രസിഡന്റും അറിയിച്ചു. ഓഗസ്റ്റ് 1 മുതൽ അമേരിക്കയിലേക്ക് ഇറക്കുമതി ചെയ്യുന്ന ചെമ്പിന് 50 ശതമാനം നികുതി ചുമത്താനും യു.എസ് തീരുമാനിച്ചു. പ്രാദേശിക ഉൽപാദനം വർധിപ്പിക്കാൻ ലക്ഷ്യമിട്ടാണിത്. ഏഷ്യൻ രാജ്യങ്ങൾക്ക് നികുതി കൂട്ടിയതിനു പിന്നാലെ ഏഷ്യൻ സന്ദർശനത്തിന് യു.എസ് സ്റ്റേറ്റ് സെക്രട്ടറി മാർകോ റൂബിയോ യാത്ര തിരിച്ചു. ആസിയാൻ രാജ്യങ്ങളുടെ വിദേശകാര്യ മന്ത്രിമാരുമായി റൂബിയോ ക്വാലാലംപൂരിൽ കൂടിക്കാഴ്ച നടത്തും. പുതിയ നികുതി നയത്തിൽ ഇന്ത്യക്ക് ഇളവുണ്ടാകുമെന്നും റിപ്പോർട്ടുണ്ട്. ഇന്ത്യൻ വാണിജ്യ മന്ത്രാലയ സംഘം അമേരിക്കയുമായി ചർച്ചയ്ക്ക് വാഷിങ്ടണിലെത്തുമെന്നും റിപ്പോർട്ടുകളുണ്ട്.

US President Donald Trump has imposed a 50% tariff on Brazilian imports, effective August 1, 2025, amid escalating trade tensions with President Luiz Inacio Lula da Silva. The move is linked to Brazil's treatment of former President Jair Bolsonaro, whom Trump described as facing a "witch hunt." Additionally, Trump imposed tariffs on seven other countries, including Sri Lanka (30%), Algeria (30%), Iraq (30%), Libya (30%), Brunei (25%), Moldova (25%), and the Philippines (20%) ¹.