തിരുവനന്തപുരം: മുൻ മുഖ്യമന്ത്രി വിഎസ് അച്യുതാനന്ദന്റെ ആരോഗ്യനില ഗുരുതരമായി തുടരുന്നു. രക്തസമ്മർദ്ദം നിയന്ത്രിക്കുന്നതിനും വൃക്കകളുടെ പ്രവർത്തനം മെച്ചപ്പെടുത്തുന്നതിനുമുള്ള ചികിത്സകൾ തുടരുകയാണ്. ഡയാലിസിസ് ഇടവിട്ട് നൽകിവരുന്നുണ്ടെങ്കിലും, രോഗിയുടെ ശാരീരികാവസ്ഥയ്ക്ക് അനുസരിച്ച് ഇത് താൽക്കാലികമായി നിർത്തിവയ്ക്കുന്നുണ്ട്. കഴിഞ്ഞ ദിവസം തിരുവനന്തപുരം മെഡിക്കൽ കോളേജിലെ നെഫ്രോളജി വിഭാഗം മേധാവി ആശുപത്രിയിലെത്തി അദ്ദേഹത്തിന്റെ ആരോഗ്യനില വിലയിരുത്തി. നിലവിലെ ചികിത്സകൾ തുടരാനാണ് ഡോക്ടർമാരുടെ നിർദ്ദേശം.

അതിതീവ്ര പരിചരണ വിഭാഗത്തിൽ വെന്റിലേറ്റർ സഹായത്തോടെയാണ് അദ്ദേഹത്തിന്റെ ചികിത്സ. ശരീരം മരുന്നുകളോട് പ്രതികരിക്കുന്നുണ്ടെങ്കിലും, ആന്തരിക അവയവങ്ങളുടെ പ്രവർത്തനം സാധാരണ നിലയിൽ എത്തിയിട്ടില്ല. 

കടുത്ത ഹൃദയാഘാതത്തെ തുടര്‍ന്ന് കഴിഞ്ഞ 23നാണ് മുന്‍ മുഖ്യമന്ത്രിയും മുതിര്‍ന്ന സിപിഎം നേതാവുമായ വിഎസ് അച്യുതാനന്ദനെ തിരുവനന്തപുരത്തെ എസ്‌യുടി ആശുപത്രിയില്‍ പ്രവേശിപ്പിച്ചത്. മുഖ്യമന്ത്രി പിണറായി വിജയന്‍, മന്ത്രിമാരായ എകെ ശശീന്ദ്രന്‍ കെ കൃഷ്ണന്‍കുട്ടി എന്നിവരും മുതിര്‍ന്ന സിപിഎം നേതാവ് പികെ ഗുരുദാസന്‍, ഇപി ജയരാജന്‍, പികെ ശ്രീമതി, ഡിജിപി റവാഡ ചന്ദ്രശേഖര്‍ അടക്കമുള്ളവരും ആശുപത്രിയില്‍ എത്തി വിഎസ് അച്യുതാനന്ദനെ സന്ദര്‍ശിച്ചിരുന്നു.

Former Kerala Chief Minister VS Achuthanandan's health condition remains critical, with ongoing treatment to control blood pressure and improve kidney function. Dialysis is being administered intermittently, but temporarily withheld based on his physical condition. The head of the nephrology department at Thiruvananthapuram Medical College recently evaluated his health, and doctors have advised continuing the current treatment ¹ ².