HOME
DETAILS

പൈപ്പ് പൊട്ടി കുടിവെള്ളം പാഴാകുന്നു

  
backup
March 22 2018 | 06:03 AM

%e0%b4%aa%e0%b5%88%e0%b4%aa%e0%b5%8d%e0%b4%aa%e0%b5%8d-%e0%b4%aa%e0%b5%8a%e0%b4%9f%e0%b5%8d%e0%b4%9f%e0%b4%bf-%e0%b4%95%e0%b5%81%e0%b4%9f%e0%b4%bf%e0%b4%b5%e0%b5%86%e0%b4%b3%e0%b5%8d%e0%b4%b3-11

 

എരുമപ്പെട്ടി: എരുമപ്പെട്ടിയില്‍ പൈപ്പ് പൊട്ടി കുടിവെള്ളം പാഴാകുന്നു. കടങ്ങോട് ,എരുമപ്പെട്ടി പഞ്ചായത്തുകളിലെ വിവിധയിടങ്ങളില്‍ ഇത്തരത്തില്‍ ശുദ്ധജലം പാഴാകുന്നത് അധികൃതര്‍ കണ്ടില്ലെന്ന് നടിക്കുന്നതായി ആരോപണം. എരുമപ്പെട്ടി സര്‍ക്കാര്‍ ആശുപത്രി ക്വാര്‍ട്ടേഴ്‌സിനു മുന്നിലും, കരിയന്നൂര്‍ പെട്രോള്‍ പമ്പിന് സമീപത്തുമാണ് ജലവിതരണ പൈപ്പ് പൊട്ടി കുടിവെള്ളം പാഴാകുന്നത്. കടങ്ങോട് ശുദ്ധജല വിതരണ പദ്ധതിയുടെ പൈപ്പാണ് പൊട്ടിയിരിക്കുന്നത്. കടങ്ങോട്, എരുമപ്പെട്ടി, വേലൂര്‍ പഞ്ചായത്തുകളിലേക്ക് ശുദ്ധജലം വിതരണം ചെയ്യുന്നത് ഇതുവഴിയാണ്.
രൂക്ഷമായ കുടിവെള്ള ക്ഷാമം നേരിടുന്ന നിരവധി പട്ടികജാതി കോളനികളാണ് പഞ്ചായത്തുകളിലുള്ളത്. വേനല്‍ക്കാലത്ത് കുടിവെള്ളത്തിനായി പദ്ധതിയെ മാത്രം ആശ്രയിക്കുന്നവരാണ് കോളനി നിവാസികളില്‍ അധികവും. ജലവിതരണം സ്തംഭിച്ചാല്‍ വീട്ടാവശ്യങ്ങള്‍ക്കായി കിലോമീറ്ററുകള്‍ താണ്ടിയാണ് ജലം കൊണ്ട് വരുന്നത്.അശാസ്ത്രീയമായ രീതിയില്‍ പൈപ്പുകള്‍ റോഡിന്റെ വശങ്ങളിലൂടെ സ്ഥാപിച്ചതാണ് പൈപ്പുകള്‍ പൊട്ടാന്‍ കാരണമാകുന്നതെന്ന് നാട്ടുകാര്‍ പറയുന്നു. ദിവസവും രാവിലെ തുറന്നു വിടുന്ന പൈപ്പ് മണിക്കൂറുകള്‍ക്ക് ശേഷമാണ് അടക്കുന്നത്. വടക്കാഞ്ചേരി കുന്നംകുളം റോഡിലുള്ള പൈപ്പുകള്‍ പൊട്ടുന്നത് നിരവധി തവണ അധികൃതരുടെ ശ്രദ്ധയില്‍പ്പെടുത്തിയിട്ടും ആരും തിരിഞ്ഞു നോക്കുന്നില്ലെന്നും ആക്ഷേപമുണ്ട്. അറ്റകുറ്റപണികള്‍ നടത്തി ജലവിതരണം പുനഃസ്ഥാപിക്കണമെന്ന ആവശ്യം ശക്തമായിരിക്കുകയാണ്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."