കൊളത്തൂര്‍: വാട്ടര്‍ തീം പാര്‍ക്കിലെത്തിയ യുവതിയുടെ സ്വര്‍ണമാല നഷ്ടപ്പെട്ടതായി പരാതി. പട്ടാമ്പി തൃത്താല സ്വദേശിനി മണ്ണില്‍വളപ്പില്‍ റൈഹാനത്തിന്റെ അഞ്ച് പവനോളം തൂക്കം വരുന്ന സ്വര്‍ണമാലയാണ് വെങ്ങാടിലെ വാട്ടര്‍ തീം പാര്‍ക്കിനകത്തുവച്ച് നഷ്ടപ്പെട്ടത്.
കഴിഞ്ഞ 18ന് ഉച്ചയോടെ വാട്ടര്‍ തീം പാര്‍ക്കില്‍ കയറിയ യുവതി വൈകീട്ടോടെ പുറത്തിറങ്ങുന്നതിന് മുന്‍പാണ് മാല നഷ്ടപ്പെട്ടതായി ശ്രദ്ധയില്‍പ്പെട്ടത്. ഉച്ചയോടെ പാര്‍ക്കിനകത്തു പ്രവേശിച്ചെങ്കിലും 3.30നാണ് റെയ്ഡുകളില്‍ ഉല്ലസിക്കാന്‍ ഇറങ്ങുന്നത്. ഈ സമയത്താണ് മാല നഷ്ടപ്പെട്ടത്. സംഭവം നടന്ന ദിവസം കൊളത്തൂര്‍ പൊലിസ് സ്റ്റേഷനില്‍ യുവതി പരാതി നല്‍കിയിരുന്നു.