കാഞ്ഞങ്ങാട്: സംസ്ഥാന പോളിടെക്‌നിക് കലോത്സവത്തില്‍ പെരിന്തല്‍മണ്ണ ഗവ. പോളിടെക്‌നിക് കോളജ് 75 പോയിന്റുമായി മുന്നിട്ടുനില്‍ക്കുന്നു. 70 പോയിന്റുമായി തൃക്കരിപ്പൂര്‍ ഗവ. പോളിടെക്‌നിക് രണ്ടാംസ്ഥാനത്തും 68 പോയിന്റുമായി കാഞ്ഞങ്ങാട് സ്വാമി നിത്യാനന്ദ പോളിടെക്‌നിക് മൂന്നാംസ്ഥാനത്തുമാണുള്ളത്.
കഴിഞ്ഞദിവസം ഓഫ് സ്റ്റേജ് മത്സരം പൂര്‍ത്തിയായപ്പോള്‍ കോഴിക്കോട് ഗവ.പോളിടെക്‌നിക് മുന്നിട്ടുനിന്നിരുന്നു. ഇന്നലെ സ്റ്റേജിന മത്സരങ്ങള്‍ തുടങ്ങിയതോടെയാണ് പോയിന്റ് നിലയില്‍ മാറ്റംവന്നത്.