കോഴിക്കോട്: നാഷനല്‍ ഹോസ്പിറ്റലുമായി സഹകരിച്ച് ജില്ലയിലെ 5000 പ്രവാസിലീഗ് പ്രവര്‍ത്തകര്‍ക്ക് പ്രിവിലേജ് കാര്‍ഡ് വിതരണവും പ്രവാസിലീഗ് കുടുംബ സംഗമവും സംഘടിപ്പിക്കാന്‍ തീരുമാനിച്ചു. ഏപ്രില്‍ 23ന് നളന്ദ ഓഡിറ്റോറിയത്തില്‍ നടത്തുന്ന സംഗമത്തില്‍ മുസ്‌ലിംലീഗ് ജനറല്‍ സെക്രട്ടറി പി.കെ കുഞ്ഞാലിക്കുട്ടി എം.പി, ഇ.ടി മുഹമ്മദ് ബഷീര്‍ എം.പി, ചലച്ചിത്രതാരവും പ്രവാസിയുമായ നടന്‍ സിദ്ദീഖ് തുടങ്ങിയവരെ പങ്കെടുപ്പിക്കും. എസ്.വി അബ്ദുല്ല ഉദ്ഘാടനം ചെയ്തു. കെ.പി ഇമ്പിച്ചി മമ്മുഹാജി അധ്യക്ഷനായി. അഹമ്മദ് പുന്നക്കല്‍ മുഖ്യാതിഥിയായിരുന്നു. ഡോ. ആഷിഖ്, ഐ.പി അഷ്‌റഫ്, ഹുസൈന്‍ കമ്മന, കല്ലേരി മൂസ ഹാജി, ഇ.എ റഹ്മാന്‍, വിനീത് ജോസ്, അഹമ്മദ് കുറ്റിക്കാട്ടൂര്‍ , വനിതാലീഗ് നേതാക്കളായ ആമിന ടീച്ചര്‍, സറഫുന്നിസ സംസാരിച്ചു.