അരൂര്‍: വില്‍പ്പനയ്ക്കായി സൂക്ഷിച്ചിരുന്ന വിദേശമദ്യവുമായി യുവാവ് പോലീസ് പിടിയില്‍. അരൂര്‍ പഞ്ചായത്ത് 14 വാര്‍ഡില്‍ നീലികാട് പ്രിയകുമാര്‍ (38) ആണ് പിടിയിലായത്. രണ്ട് ബ്രാന്റുകളിലായി പതിനേഴു ലിറ്ററോളം വിദേശമദ്യവുമായാണ് അരൂര്‍ പോലീസിന്റെ പടിയിലായത്.
അര ലിറ്റര്‍ കുപ്പികളിലാക്കിയാണ് വില്‍പന നടത്തിയിരുന്നത്. അരൂരിലേ ഭാര്യവീട്ടില്‍ താമസിച്ചാണ് പ്രിയകുമാര്‍ കച്ചവടം നടത്തിയിരുന്നത്. ഇവിടെ ആക്രികച്ചവടം നടത്തുന്നതിനിടയിലാണ് മദ്യം വില്‍പ്പനയും നടത്തിവന്നത്.
വിടിന്റെ സമീപത്തുള്ള  സെപ്റ്റിടാങ്കിന്റെ ഔട്ട്‌ലെറ്റില്‍ പ്ലാസ്റ്റിക്കിലും അതിനു മുകളിലായി ചാക്കിലും പൊതിഞ്ഞനിലയിലാണ് മദ്യം കണ്ടെത്തിയത്.
പോലീസിനെ കണ്ട ഉടനെ ഓടാന്‍ ശ്രമിച്ചെങ്കിലും  പൊലീസ് ഇയാളെ കസ്റ്റഡിയിലെടുക്കുകയായിരുന്നു. മദ്യം ലഭ്യമല്ലാത്ത ദിവസങ്ങളില്‍ ഇരട്ടി വിലക്കാണ് ഇയാള്‍ വില്‍പ്പന നടത്തിയിരുന്നത്.
 ഇലക്ഷന്‍ സമയത്ത് അനധിക്യത മദ്യവില്‍പന നടത്തുന്നതായി പോലീസിന് കിട്ടിയ രഹസ്യ വിവരത്തേതുടര്‍ന്ന് കുറച്ചുനാളുകളായി ഇയാള്‍ പോലിസ് നിരീക്ഷണത്തിലായിരുന്നു. ചേര്‍ത്തല കോടതിയില്‍ ഹാജരാക്കി റിമാന്റ് ചെയ്തു.