തിരുവനന്തപുരം: പൊലിസിലെ 59 പേര്‍ അഴിമതിക്കാരെന്ന് മുഖ്യമന്ത്രി പിണറായി വിജയന്‍ നിയമസഭയില്‍ വ്യക്തമാക്കി. ഇവര്‍ക്കെതിരേ വിജിലന്‍സ് കേസുകള്‍ രജിസ്റ്റര്‍ ചെയ്തിട്ടുണ്ട്. രണ്ട് ഐ.പി.എസ് ഉദ്യോഗസ്ഥരും ഓരോ കമാന്‍ഡന്റും അസിസ്റ്റന്റ് കമാന്‍ഡന്റും പട്ടികയിലുണ്ട്.
9 ഡെപ്യൂട്ടി പൊലിസ് സൂപ്രണ്ട്, 6 ഇന്‍സ്‌പെക്ടര്‍മാര്‍, 10 സബ് ഇന്‍സ്‌പെക്ടര്‍മാര്‍, 9 അസിസ്റ്റന്റ് സബ് ഇന്‍സ്‌പെക്ടര്‍മാര്‍, 21 സിവില്‍ പൊലിസ് ഓഫിസര്‍മാര്‍ എന്നിവരാണ് വിജിലന്‍സ് കേസിലെ പ്രതികള്‍.
അഴിമതിക്കാരായ പൊലിസ് ഉദ്യോഗസ്ഥര്‍ക്കെതിരേ പിരിച്ചുവിടല്‍ അടക്കമുള്ള നടപടികള്‍ സ്വീകരിക്കും. പൊലിസില്‍ അഴിമതി ഇല്ലായ്മ ചെയ്യാന്‍ കര്‍ശന നിര്‍ദേശം നല്‍കിയിട്ടുണ്ട്. ഉദ്യോഗസ്ഥരുടെ പ്രവര്‍ത്തനം നിരീക്ഷിക്കുന്നതിനും വിലയിരുത്തുന്നതിനും നടപടികള്‍ സ്വീകരിച്ചിട്ടുണ്ടെന്നും മുഖ്യമന്ത്രി പറഞ്ഞു.