കോഴിക്കോട്: ട്രെന്‍ഡ് പുതിയ സംസ്ഥാന സമിതി അടുത്ത രണ്ടു വര്‍ഷത്തേക്കുള്ള പദ്ധതികള്‍ ആവിഷ്‌കരിക്കുന്നതിനും നിലവിലുള്ള പ്രൊജക്ടുകള്‍ അവലോകനം ചെയ്യുന്നതിനുമുള്ള പരിശീലന സംഗമം ട്രെന്‍ഡ് ടീം ഡ്രൈവ് ഇന്ന് ഉച്ചക്ക് 3 മണിക്ക് കോഴിക്കോട് സുപ്രഭാതം ഓഡിറ്റോറിയത്തില്‍ കാലിക്കറ്റ് യൂനിവേഴ്‌സിറ്റി വി.സി ഡോ. കെ. മുഹമ്മദ് ബശീര്‍ ഉദ്ഘാടനം ചെയ്യും. ഏപ്രില്‍, മെയ് മാസങ്ങളില്‍ നടക്കുന്ന സമ്മര്‍ ഗൈഡിന്റെ ഉദ്ഘാടനവും വി.സി നിര്‍വഹിക്കും. ട്രെന്‍ഡ് ചെയര്‍മാന്‍ റഹീം ചുഴലി ആധ്യക്ഷ്യനാകും. എസ്.കെ. എസ്.എസ്.എഫ് ജനറല്‍ സെക്രട്ടറി സത്താര്‍ പന്തലൂര്‍ മുഖ്യ പ്രഭാഷണം നടത്തും. ട്രെന്‍ഡ് ഡയരക്ടര്‍ ഡോ.മജീദ് കൊടക്കാട് പ്രൊജക്ട് അവതരിപ്പിക്കും. മുസ്തഫ മുണ്ടുപാറ, റശീദ് കൊടിയൂറ ചര്‍ച്ചക്ക് നേതൃത്വം നല്‍കും.
പാനല്‍ ഡിസ്‌കഷന്‍, ഓപ്പണ്‍ ഫോറം, തോട്ട് ഷവറിങ് സെഷന്‍ എന്നിവ അക്കാദമിക് കണ്‍സല്‍ട്ടന്‍സി പാനല്‍ ചെയര്‍മാന്‍ ശാഹുല്‍ ഹമീദ് മേല്‍മുറി, അലി വയനാട് നിയന്ത്രിക്കും. ബി ലാല്‍ മുഹമ്മദ് പരിശീലനത്തിന് നേതൃത്വം നല്‍കും. ട്രെന്‍ഡ് സ്റ്റേറ്റ് സമിതി, ജില്ലാ സെക്രട്ടറി, ചെയര്‍മാര്‍, കണ്‍വീനര്‍ എന്നിവരാണ് പരിശീലനത്തില്‍ പങ്കെടുക്കുക.