വെഞ്ഞാറമൂട്: മികച്ച നടനുള്ള സംസ്ഥാന സര്‍ക്കാരിന്റെ പുരസ്‌കാരം നേടിയ ഇന്ദ്രന്‍സിന് പിരപ്പന്‍കോട് കലാഗ്രാമത്തിന്റെ ആദരവ്. പിരപ്പന്‍കോട് ശ്രീകൃഷ്ണസ്വാമി ക്ഷേത്രത്തിലെ ഉത്സവത്തിന്റെ ഭാഗമായി ക്ഷേത്ര ഉപദേശകസമിതിയാണ് സ്വീകരണം സംഘടിപ്പിച്ചത്.
നൂറുകണക്കിനാളുകള്‍ തടിച്ചുകൂടിയ യോഗത്തില്‍വച്ച് ഉപദേശകസമിതി പ്രസിഡന്റ് ആര്‍. ജയകുമാര്‍ ഇന്ദ്രന്‍സിനെ പുരസ്‌കാരം നല്‍കി ആദരിച്ചു.യോഗത്തില്‍ നടിമാരായ പ്രവീണ, ചിപ്പി, എം. രഞ്ജിത്ത്, ദിനേശ് പണിക്കര്‍, നടന്‍ അരിസ്റ്റോ സുരേഷ്, ജിത്ത്പിരപ്പന്‍കോട്, വിനോദ്, കിടിലം ഫിറോസ്, ആര്‍. അനില്‍, കൂരുപറമ്പില്‍ ദാമോദരന്‍, ആര്‍.എസ് സുനില്‍, എം.അനില്‍കുമാര്‍ സംസാരിച്ചു.