HOME
DETAILS

ശുചീകരണത്തിനിടെ സ്‌ഫോടനം: ആദിവാസി യുവാവിന് പരുക്ക്

  
backup
March 30 2018 | 04:03 AM

%e0%b4%b6%e0%b5%81%e0%b4%9a%e0%b5%80%e0%b4%95%e0%b4%b0%e0%b4%a3%e0%b4%a4%e0%b5%8d%e0%b4%a4%e0%b4%bf%e0%b4%a8%e0%b4%bf%e0%b4%9f%e0%b5%86-%e0%b4%b8%e0%b5%8d%e2%80%8c%e0%b4%ab%e0%b5%8b%e0%b4%9f%e0%b4%a8

 

ഇരിട്ടി: കാടുവെട്ട് യന്ത്രമുപയോഗിച്ച് കാട് വെട്ടിത്തെളിക്കുന്നതിനിടെയുണ്ടായ സ്‌ഫോടനത്തില്‍ തൊഴിലാളിയായ ആദിവാസി യുവാവിന് പരുക്ക്. നെഞ്ചിലും കൈക്കും പരുക്കേറ്റ എടക്കാനം ചേളത്തൂര്‍ മഞ്ഞകാഞ്ഞിരം ആദിവാസി കോളനിയിലെ സുരേഷ് ബാബു(30)വിനെ ഇരിട്ടി താലൂക്ക് ആശുപത്രിയില്‍ പ്രവേശിപ്പിച്ചു. ഇന്നലെ രാവിലെ പത്തോടെ പുന്നാട് ടൗണിനടുത്ത് കുളത്തിന് സമീപത്തായിരുന്നു സംഭവം. ഉളിയില്‍ നരയംപാറ സ്വദേശിയുടെ ഉടമസ്ഥതയിലുള്ള പറമ്പില്‍ സുരേഷ് ബാബുവും സഹപ്രവര്‍ത്തകന്‍ ബാലകൃഷ്ണനും കാട് വെട്ടിത്തെളിളിക്കുന്നതിനിടെയാണ് സ്‌ഫോടനമുണ്ടായത്. സ്‌ഫോടനത്തിന്റെ ആഘാതത്തില്‍ കാടുവെട്ട് യന്ത്രം പൂര്‍ണമായും തകര്‍ന്നു. ചീളുകള്‍ തെറിച്ചാണ് സുരേഷ് ബാബുവിന് പരുക്കേറ്റത്. പന്നിപ്പടക്കമാണ് പൊട്ടിത്തെറിച്ചതെന്നാണ് പൊലിസിന്റെ പ്രാഥമിക നിഗമനം. സംഭവത്തില്‍ പൊലിസ് കേസെടുത്തു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."