ശ്രീനഗര്‍: ഭീകരര്‍ നടത്തിയ അപ്രതീക്ഷിതമായ ആക്രമണത്തില്‍ പൊലിസ് ഉദ്യോഗസ്ഥന് വീരമൃത്യു. അനന്ദ്‌നാഗ് ജില്ലയില്‍ ഇന്നലെയായിരുന്നു ആക്രമണം. സ്പഷ്യല്‍ പൊലിസ് ഓഫിസര്‍ മുഷ്താഖ് അഹമ്മദ് ഷെയ്ഖ് ആണ് കൊല്ലപ്പെട്ടത്.
ഇദ്ദേഹത്തിന്റെ വസതിക്കുനേരെയാണ് ഭീകരര്‍ ആക്രമണം നടത്തിയത്. ഗുരുതര പരുക്കുകളോടെ അദ്ദേഹത്തെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
ആക്രമണത്തില്‍ അദ്ദേഹത്തിന്റെ ഭാര്യക്കും പരുക്കേറ്റിട്ടുണ്ട്. ആശുപത്രിയില്‍ പ്രവേശിപ്പിച്ച അവരുടെ ആരോഗ്യനിലയും ഗുരുതരമായി തുടരുകയാണെന്ന് ഡോക്ടര്‍മാര്‍ അറിയിച്ചു.