കൊച്ചി: ദേവസ്വം ബോര്‍ഡ് നിയമനം സുതാര്യമാക്കണമെന്ന് ഹൈക്കോടതി. ഇതിനായി പ്രത്യേക മാര്‍ഗനിര്‍ദേശവും കോടതി പുറപ്പെടുവിച്ചു. ദേവസ്വം ബോര്‍ഡില്‍ അംഗങ്ങളെ നിയമിക്കുന്നതില്‍ അവ്യക്തതയുണ്ട്. ബോര്‍ഡിലേക്ക് ആളുകളെ നിയമിക്കുന്നത് ഒരു സുപ്രഭാതത്തിലാണ്. ഇതിന് മാറ്റം വരണം. ജനങ്ങള്‍ക്ക് ബോര്‍ഡംഗങ്ങളെ നിയമിക്കുന്നതില്‍ അഭിപ്രായം പറയാന്‍ സര്‍ക്കാര്‍ അവസരം നല്‍കണമെന്നും ഹൈക്കോടതി വിധിയില്‍ വ്യക്തമാക്കുന്നു.

എന്നാല്‍, നിലവിലെ നിയമന രീതി ഭരണഘടനാ വിരുദ്ധമാണെന്ന ഹരജിക്കാരന്റെ വാദം കോടതി തള്ളി. നലിവിലെ നടപടികള്‍ കൂടുതല്‍ സുതാര്യമാക്കണം. അതുപോലെ ഇക്കാര്യങ്ങള്‍ കോടതിക്ക് സര്‍ക്കാരിന്റെ മേല്‍ അടിച്ചേല്‍പ്പിക്കാനാവില്ല. നല്‍കുന്ന നിര്‍ദേശങ്ങള്‍ പരിഗണിച്ച് ഉചിതമായി തീരുമാനം സര്‍ക്കാര്‍ എടുക്കണമെന്നും ഹൈക്കോടതി അറിയിച്ചു.