പാലക്കാട്: ആലത്തൂരില്‍ മേലാര്‍ക്കോട് ചീനിക്കോട് ആനയിടഞ്ഞ് പാപ്പാനെ കുത്തിക്കൊന്നു. പള്ളി നേര്‍ച്ചയ്ക്കിടെയാണ് ആന പാപ്പാനെ കുത്തിക്കൊന്നത്. തൃശ്ശൂര്‍ ആലങ്ങാട്ട് പറമ്പ് കൂട്ടാല കണ്ണന്‍ (35) ആണ് കുത്തേറ്റ് മരിച്ചത്. ചാലക്കുടി ഊക്കന്‍സ് കുഞ്ചു എന്ന ആനയാണ് ഇടഞ്ഞത്.

മസ്താന്‍ ഔലിയ പള്ളി നേര്‍ച്ചയുടെ ഭാഗമായി എഴുന്നെള്ളത്തിനായി ആനയ്ക്ക് നെറ്റിപ്പട്ടം കെട്ടാന്‍ ശ്രമിക്കുന്നതിനിടെയാണ് ആന ഇടയുകയും പാപ്പാനെ കുത്തിക്കൊല്ലുകയും ചെയ്തത്. പുലര്‍ച്ചെ നാലു മണിയോടെയാണ് സംഭവം. തൃശ്ശൂരില്‍ നിന്നുള്ള എലിഫെന്റ് സ്‌ക്വാഡും പൊലിസും ചേര്‍ന്ന് മണക്കൂറുകള്‍ പരിശ്രമിച്ചാണ് ആനയെ തളച്ചത്.