പാലക്കാട്: നിയമ , സാംസ്‌ക്കാരിക, പട്ടിക ജാതി വര്‍ഗ്ഗ ക്ഷേമ വകുപ്പ് മന്ത്രി എ.കെ ബാലന്‍ ഇന്ന് അട്ടപ്പാടിയില്‍ സന്ദര്‍ശനം നടത്തും. മന്ത്രിയായി ചുമതലയേറ്റ ശേഷം ആദ്യമായി അട്ടപ്പാടിയിലെത്തുന്ന മന്ത്രിക്ക് പൊതുജനങ്ങളും സാംസ്‌ക്കാരിക പ്രവര്‍ത്തകരും രാവിലെ 10ന് മുക്കാലിയില്‍ സ്വീകരണം ഒരുക്കും. രാവിലെ 11ന് അഹാഡ്‌സില്‍ വിവിധ വകുപ്പുകള്‍ മേഖലയില്‍ നടപ്പിലാക്കിയ വികസന പ്രവര്‍ത്തനങ്ങളുടെ അവലോകനം നടക്കും.  എം.ബി രാജേഷ് എം.പി, അഡ്വ. എന്‍ ഷംസുദ്ദീന്‍ എം.എല്‍.എ, ജില്ലാ പഞ്ചായത്ത് പ്രസിഡന്റ് അഡ്വ.കെ ശാന്തകുമാരി, ജില്ലാ കലക്ടര്‍ പി മേരിക്കുട്ടി, ജില്ലാതല ഉദ്യോഗസ്ഥര്‍ പങ്കെടുക്കും. തുടര്‍ന്ന് മന്ത്രി ഷോളയൂരിലെ മൂലഗംഗ, വെച്ചുപതി, വെള്ളംകുളം, ഊരുകളില്‍ സന്ദര്‍ശനം നടത്തും.