നീലേശ്വരം: കണിച്ചിറയില്‍ പ്രവര്‍ത്തിക്കുന്ന മര്‍കസ് ദഅവത്തുല്‍ ഇസ്‌ലാമിയ ശരീഅത്ത് ആന്‍ഡ് ആര്‍ട്‌സ് കോളജ് മുപ്പതാം വാര്‍ഷികത്തിനു പ്രൗഢോജ്വല തുടക്കം. സമസ്ത സീനിയര്‍ ഉപാധ്യക്ഷനും കോളജ് സ്ഥാപക നേതാവുമായിരുന്ന സി.എം അബ്ദുല്ല മൗലവിയുടെ ചെമ്പരിക്കയിലുള്ള മഖാം സിയാറത്തോടെയാണു മുപ്പതാം വാര്‍ഷിക-സനദ്ദാന സമ്മേളനത്തിന് തുടക്കം കുറിച്ചത്.
നീലേശ്വരം ഖാസി ഇ.കെ മഹ്മൂദ് മുസ്‌ലിയാര്‍ സിയാറത്തിനു നേതൃത്വം നല്‍കി. എം. മൊയ്തു മൗലവി, അമീര്‍ ഫാലി, മുസ്തഫ ബാഖവി, താജുദ്ധീന്‍ നിസാമി, മുസ്തഫ ബാഖവി തുടങ്ങിയവര്‍ സംബന്ധിച്ചു. തുടര്‍ന്നു കണിച്ചിറയിലെ സഈദാബാദില്‍ പ്രത്യേകം തയാറാക്കിയ സി.എം ഉസ്താദ് നഗരിയില്‍ സ്വാഗത സംഘം ചെയര്‍മാന്‍ മെട്രോ മുഹമ്മദ് ഹാജി പതാക ഉയര്‍ത്തി.
സമസ്ത പ്രസിഡന്റ് സയ്യിദുല്‍ ഉലമാ സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ സമ്മേളന ഉദ്ഘാടനം നിര്‍വഹിച്ചു. ചടങ്ങില്‍ സമസ്ത ജില്ലാ ട്രഷറര്‍ കെ.ടി അബ്ദുല്ല ഫൈസി അധ്യക്ഷനായി. കെ. ഹംസ മുസ്‌ലിയാര്‍ ബദരിയാ നഗര്‍, അബൂബക്കര്‍ സിദ്ധീഖ് അസ്ഹരി മുഖ്യപ്രഭാഷണം നടത്തി.
ചെര്‍ക്കളം അഹമ്മദ് മുസ്‌ലിയാര്‍, എ. ഹമീദ് ഹാജി, തിടില്‍ ഇബ്രാഹിം, കുണിയ ഇബ്രാഹിം ഹാജി, അജ്മല്‍ കുശാല്‍ നഗര്‍, എന്‍.പി അബ്ദുല്‍ റഹിമാന്‍ മാസ്റ്റര്‍, സി.എച്ച് സുബൈര്‍ ഹാജി തുടങ്ങിയവര്‍ സംസാരിച്ചു.
ഇന്നു വൈകുന്നേരം ഏഴിനു നടക്കുന്ന മജ്‌ലിസുന്നൂര്‍ സദസിന് സയ്യിദ് അലവി തങ്ങള്‍ ഓലമുണ്ട നേതൃത്വം നല്‍കും.
തുടര്‍ന്നു നടക്കുന്ന പൊതുസമ്മേളനം സമസ്ത ജില്ലാ ജനറല്‍ സെക്രട്ടറി യു.എം അബ്ദുല്‍ റഹിമാന്‍ മൗലവി ഉദ്ഘാടനം ചെയ്യും. എസ്.വൈ.എസ് കാഞ്ഞങ്ങാട് മണ്ഡലം പ്രസിഡന്റ് മുബാറക് ഹസൈനാര്‍ ഹാജി അധ്യക്ഷനാകും.
അലി അക്ബര്‍ ബാഖവി തനിയാപുരം മുഖ്യ പ്രഭാഷണം നടത്തും. ചടങ്ങില്‍ പ്രമുഖ പണ്ഡിതരും നേതാക്കളും സംബന്ധിക്കും.