ഗോള്‍ഡ്‌കോസ്റ്റ്: കോമണ്‍വെല്‍ത്ത് ഗെയിംസില്‍ ഇന്ത്യയുടെ നാലാം സ്വര്‍ണവും ഭാരോദ്വഹനത്തില്‍ നിന്ന്. ഇരുപത്തൊന്നുകാരനായ ആര്‍.വി രാഹുലാണ് പുരുഷന്‍മാരുടെ 85 കിലോഗ്രാം വിഭാഗത്തില്‍ സ്വര്‍ണം നേടിയത്. 338 കിലോഗ്രാം(151+187) ഭാരമുയര്‍ത്തിയാണ് രാഹുല്‍ സ്വര്‍ണമെഡല്‍ കരസ്ഥമാക്കിയത്.

നേരത്തേ സഞ്ജിത ചാനു, മീരാബായ് ചാനു, സതീഷ് കുമാര്‍ ശിവലിംഗം എന്നിവരും ഭാരോദ്വഹനത്തില്‍ ഇന്ത്യക്കായി സ്വര്‍ണമെഡല്‍ നേടിയിരുന്നു. ഗുരുരാജ വെള്ളിയും ദീപക് ലാതര്‍ വെങ്കല മെഡലും നേടിയിരുന്നു. ഇതോടെ കോമണ്‍വെല്‍ത്ത് ഗെയിംസില്‍ ഇന്ത്യക്ക് നാലു സ്വര്‍ണമുള്‍പ്പെടെ ആകെ ആറ് മെഡലായി.