ജോധ്പൂര്‍: ബോളിവുഡ് നടന്‍ സല്‍മാന്‍ ഖാന് ജയില്‍ ശിക്ഷ വിധിച്ച ജഡ്ജ് ദേവ് കുമാര്‍ ഖാത്രിയെ സ്ഥലം മാറ്റി. ഇന്നലെ അദ്ദേഹത്തിന്റെ ജാമ്യാപേക്ഷയില്‍ വാദം കേള്‍ക്കാനിരുന്ന ജോധ്പൂര്‍ സെഷന്‍സ് കോടതി ജഡ്ജി രവീന്ദ്ര കുമാര്‍ ജോഷി അടക്കം 87 ജഡ്ജിമാരുടെ സ്ഥലംമാറ്റപട്ടിക രാജസ്ഥാന്‍ ഹൈക്കോടതി പുറത്തുവിട്ടു. രാജസ്ഥാനില്‍ സാധാരണ ഏപ്രില്‍ 15 ന് ശേഷമാണ് ജഡ്ജിമാരുടെ സ്ഥലംമാറ്റം. ഇത്തവണ സ്ഥലം മാറ്റം നേരത്തെയാണ്. വെള്ളിയാഴ്ച ജാമ്യാപേക്ഷ പരിഗണിച്ച ജഡ്ജ് രവീന്ദ്ര കുമാര്‍ ജോഷി കേസ് പഠിക്കണമെന്നു കാണിച്ച് ഇന്നത്തേക്ക് കേസ് മാറ്റി വച്ചിരുന്നു. ഇദ്ദേഹത്തെ ജോധ്പൂരില്‍ നിന്ന് സിരോഹിലേക്കാണ് മാറ്റിയത്. പകരം ഭീല്‍വാല ജില്ലാ സെഷന്‍സ് ജഡ്ജ് ചന്ദ്രകുമാര്‍ സോങാരയെയാണ് നിയമിച്ചത്.