കൊടുവള്ളി: വില്‍പനക്കായി കൊണ്ടു വന്ന ലഹരിവസ്തുക്കളുമായി രണ്ടണ്ട് യുവാക്കളെ കൊടുവള്ളിയില്‍ എക്‌സൈസ് സംഘം പിടികൂടി. സ്‌കൂട്ടറില്‍ കഞ്ചാവ് വില്‍ക്കുകയായിരുന്ന കൊടുവള്ളി മുത്തമ്പലം മൂശാരിയേടത്തില്‍ വീട് ഷിബിന്‍ (19) 30 പൊതി കഞ്ചാവുമായാണ് പിടിയിലായത്. സ്‌കൂട്ടറും കസ്റ്റഡിയിലെടുത്തു. മലപ്പുറം കീഴുപറമ്പ് കുനിയില്‍ കോലത്തും തൊടി വീട്ടില്‍ ഷരീഖ് (27) എം.ഡി.എം.എ, കഞ്ചാവ് എന്നിവയുമായാണ് വലയിലായത്. ബംഗളൂരുവില്‍ നിന്ന് കേരളത്തിലേക്ക് വില്‍പനക്കായി കൊണ്ടണ്ടുവന്നതാണ് ലഹരിവസ്തുക്കള്‍. ഷരീഖിനെ താമരശ്ശേരി കോടതിയില്‍ ഹാജരാക്കി റിമാന്‍ഡ് ചെയ്തു. എക്‌സൈസ് സര്‍ക്കിള്‍ ഇന്‍സ്‌പെക്ടര്‍ ജിമ്മി ജോസഫ്, പ്രിവന്റീവ് ഓഫിസര്‍ എം. അനില്‍കുമാര്‍, എക്‌സൈസ് ഓഫിസര്‍മാരായ ടി.കെ സഹദേവന്‍, സി.പി ഷാജു, സി.ഇ ദീപേഷ്, കെ.പി രാജന്‍ എന്നിവരുടെ സംഘമാണ് യുവാക്കളെ പിടികൂടിയത്.