ഭോപ്പാല്‍: അവകാശസംരക്ഷണം നടപ്പാക്കണമെന്നാവശ്യപ്പെട്ട് തല മുണ്ഡനം ചെയ്ത് അഭിഭാഷകരുടെ പ്രതിഷേധ സമരം. ഒരാഴ്ചയായി കോടതി നടപടികള്‍ തടസപ്പെടുത്തിയാണ് അഭിഭാഷകര്‍ സമരം ചെയ്യുന്നത്. ഇതിന്റെ ഭാഗമായാണു തലമുണ്ഡന സമരം നടത്തുന്നതെന്ന് അഭിഭാഷകര്‍ അറിയിച്ചു., സംസ്ഥാനത്തെ മുഴുവന്‍ അഭിഭാഷകരും സമരത്തില്‍ പങ്കെടുക്കുന്നുണ്ട്. സമരം പിന്‍വലിക്കണമെന്നും കോടതി നടപടികള്‍ തടസപ്പെടുത്തരുതെന്നും ആവശ്യപ്പെട്ട് ഹൈക്കോടതി രജിസ്ട്രാര്‍ പ്രസ്താവന ഇറക്കിയെങ്കിലും അഭിഭാഷകര്‍ പിന്മാറിയിട്ടില്ല.