കണ്ണൂര്‍: ചിത്രലേഖയുടെ തെറ്റായ നിലപാടുകളെ എതിര്‍ത്തതിന്റെ പേരില്‍ സി.പി. എം പട്ടികജാതിക്കാര്‍ക്കെതിരെയാണെന്നാണ് ചില വലതുപക്ഷ മാധ്യമങ്ങള്‍ പ്രചരിപ്പിക്കുന്നതെന്നു സി.പി. എം ജില്ലാസെക്രട്ടറി പി.ജയരാജന്‍.
ദലിത് ജനവിഭാഗത്തെ അടിച്ചമര്‍ത്തുന്ന കേന്ദ്രസര്‍ക്കാര്‍ നടപടി തിരുത്തണമെന്നാവശ്യപ്പെട്ട് സി. പി. എം പ്രവര്‍ത്തകര്‍ നടത്തിയ കണ്ണൂര്‍ ഹെഡ്‌പോസ്റ്റ് ഓഫിസ് മാര്‍ച്ച് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ചിത്രലേഖയുടെ പേരെടുത്തുപറഞ്ഞ് ജനത്തെ തെറ്റിദ്ധരിപ്പിക്കാനാണ് ചിലര്‍ ശ്രമിക്കുന്നത്. അയല്‍പക്കത്തെ പട്ടികജാതിക്കാര്‍ക്കെതിരെ കേസ് കൊടുത്ത ചരിത്രമാണ് ചിത്രലേഖയ്ക്കുള്ളത്.
ചിത്രലേഖയുടെ ചരിത്രമറിയാത്തവരാണ് അവര്‍ക്ക് അനുകൂലമായി പറയുന്നത്.
സി.പി. എമ്മിനെതിരെ പ്രചരണം നടത്തുന്നവര്‍ ചിത്രലേഖയുടെ ചരിത്രം പരിശോധിക്കണമെന്നും ജയരാജന്‍ ആവശ്യപ്പെട്ടു.
ടി.കൃഷ്ണന്‍ അധ്യക്ഷനായി. എം.പ്രകാശന്‍, കെ.കെ രാഗേഷ്, എ.എന്‍.എ അരക്കന്‍ ബാലന്‍, ടി.ഐ മധുസൂദനന്‍, എന്‍ ചന്ദ്രന്‍ സംസാരിച്ചു.